أشعار عن التجربة المؤلمة للخذلان في العلاقات العاطفية

قصيدة شفت المقفي وربي ما أتبعه

شفت المقفي وربي ما أتبعه لو خطوتين

وأصبعي وهواصبعي لامن غدرني أبقطعه

بأسألك سؤال واحد والجواب بكلمتين

لاصار قدرك والهوي خصمين من تاقف معه

ياخي عز الكرامة وانت دايم مستهين

ياخي ضرسك لو يعورك بذمتك ما تشلعه

سلامتك معاد لي رغبة فيك

لاصد قلبي صد من دون رجعه

مجبور نضحك يازمن العجايب

دام البشر صار بوجه وجهين

غصب علينا نبتسم للمصايب

دنيا نسايرها على العسر واللين

منها بكى طفل صغير وشايب

وياما ضحك منها عليها مجانين

قصيدة لا فـاضــت أحــزانــي ولا زاد هـمـي

لا فـاضــت أحــزانــي ولا زاد هـمـي

ولا إنشـويـت مـن الـفـراق وتحــرقــت

لا مـت مـن صـدك ولا فــار دمــي

لأن الحكــايـة كلــهـاا مضـيــعة وقــت

ما دام طعت الوقت فيني واقفيت

تحمل اللي يجيك لا جيت تايب

كفي دموعك مال للأحزان ميعاد

مادام هذي رغبتي فاهجريني

انتي سراب وكلمة الحب تنعاد

ماودي احرج خاطرك وافهميني

نفس الظروف ووقتنا كله عناد

ابلتمس لك عذر واعذريني

لا همني قربك ولاهمني رضاك

والله ولا ذكري بقلبي تجيبك

الصد عندي من بقايا عطايات

لا بوك لابو كل طاري يجــــيبك

قصيدة رص المشاعر بالحبر يا قلم رص

رص المشاعر بالحبر يا قلم رص

وبعد المشاعر باقي الحب رصه

قلبي يعاني وانت بالحب مختص

وانت اللذي عقلي بلافكار خصه

قصه غرام وكانت اكبر من النص

فها حبيب ساكن القلب نصه

اخر كلامي اطلبك ياقلم وص

خلو علاجي بالأشواق وصه

قصيدة يا صدمتي في أكثر الناس ويا خيبة ظنوني

يا صدمتي في أكثر الناس ويا خيبة ظنوني

يا ضيق صدري لا ذكرت إني عليهم ما كذبت

يا طعنة خلتني أنسى من سبايبها طعوني

يا جرح ماله طب حتى لو أقول اليوم طبت

البارحة والله يكون بعون أحاسيسي وعوني

أحاول أهرب من عمايلهم ولكن ما هربت

ما كنت أحس أنياناً أنا وهذا الكون كوني

أمر في حالة ضياع وشبه غيبوبة وكبت

أحباب أي أحباب ذول اللي على جروحي خذوني

الظاهر إني شبت ياعالم وأنا ما بعد شبت

سألت نفسي هم يبوني صدق ولا ما يبوني

أجبت نفسي وليتني على سؤالي ما أجبت

اللي لهم مدة وهم في داخلي واستغفلوني

ياما استغلوا طيبتي معهم وكلّ اللي وهبت

وهبتهم قلبي وشعري وكلما حولي ودوني

تعبت معهم بس ما كني رغم هذا تعبت

قصيدة انهنت في حبــك

انهنت في حبــك وأنا حــر ما أنهان

والحــر ما يرجع لشخص يهينــه

والله احبــك حب والقلب ما خان

حافظ عهود الحب يومك تبينه

بس للأسف ما أقدر على حب خوان

يمشى يشيل اسمى وباجريهينه