استمتع بأروع قصائد حمد السعيد في مجموعة شعرية مميزة

قصيدة: بين جفنك وعينك

بين جفنك وعينك ألف معنى ومعنى

وش بقاء للقصايد يوم ترخي جفونك

أنت ياللي بزينك جيتنا تنتزعنا

وسع الصدر وارحمني على هون هونك

أنت والله لو أني نبي نسري رجعنا

لا انتهاء زين غيرك كنهم يبتدونك

حي ذلك الحلا فيك عنهن قطعنا

مبطي ما ورد الزين من يشبهونك

كم بغيناك في وصف وأنا أقول ضعنا

عجز أبيات شعر معذبك يا صفونك

كم شرينا بسوق الوصف غيرك وبعنا

وأنت مهما وصفنا كله يطيح دونك

يا مضيق صدور البيض في مجتمعنا

والله إني بشعري ما قوينا عيونك

تذكر النظرة اللي من ورائها اندفعنا

يوم تقبل سكوتك مختلط مع جنونك

ما تكلمت لكن سمعنا وأطعنا

كن الناس مثلي كلهم يفهمونك

جيتنا في غرور ورحت تعلن ولعنا

لو أنك تبيع كلامك والله إني زبونك

يوم قفيت والله ثقلنا ما نفعنا

أخذت ناس وناس ودهم يتبعونك

دام قلبك كبير وراهي يتسعنا

ظفنا معك أو ظفنا في ردونك

أثر للزين هيبه تونا ما اقتنعنا

اقرأ لا جيت تطلع وانتبه يحسدونك

لو معانا سكاكين لك الله قطعنا

بس ربك حميد وقطعتنا عيونك

قصيدة: ما هو بكيفك

ما هو بكيفك تواصلني تقطعني

أما غلا بين أو فضها سيره

يا شين لاجيت تقطع لا توادعني

ليتك تحس الوداع شلون تأثيره

يا ماخذ الحب قل فيني وسمعني

حب على كبر صعب أبدل بغيره

أبحتفظ فيك وادري مانت نافعني

يمكن مع الوقت أقول محبتك خيره

والله تدري وش اللي معك دافعني

أني معاك أنت أمارس آخر الغيره

وأحب فيك البرود اللي يقاطعني

لو ما تكلمت صمتك صعب تفسيره

ياللي عليك البشر شفها تقاطعني

منين ما وجه الهقوات لك سيره

ياشينها من الخوي قول اتركه طعني

ما غير شره ولا أنت بشايفن خيره

ياشينها منك لاجيتك توزعني

في عذرك اللي على هالظرف تجييره

شف كبر صبر البشر ما عاد ياسعني

وأكبر هموم العباد أشوفها صغيره

وش جاك مني خطا يومك تبيعني

في سوق ذقها عليك أسوقها جيره

أنا أذكر أنك إلا من قلت دلعني

القلب هانت علشانك مشاويره

يا مشغل القلب بين تحبني ويعني

شفني عليك احترق يا سيدي حيره

مرات أقول أتركك لا شك يمنعني

شي يقول أعذره واقبل معاذيره

قلت احتفظ فيك وادري مانت نافعني

يمكن مع الوقت أقول محبتك خيره

قصيدة: غلطتي

يومها بين ايديني والغلا عادي

ويوم قفت تفجر حبها فيني

كنها حطت التوقيت بفؤادي

لا مشت حبها يفجر شراييني

قبل تقفي وأنا متماسك وهادي

وعقبها ضاق كل الكون في عيني

غلطتي كنت متراهي ومتمادي

كنت أحسب الزمن والوقت يمديني

وأثر من لا تغانم فرصته غادي

آه يا فرصتن ضاعت من سنيني

قصيدة: الهموم

يا الهموم اللي علي أثقل من هموم الركايب

ساعد الله قلبي إلي مرتكي لحمول همي

يا الظروف إلي علي وين ما وجه صعايب

يا كثر ما مسحت الدمع منها براس كمي

يا الجروح إلي يجي هذا وذاك العام طايب

كل ما هبت ظروف الوقت شمي وستشمي

من عرفت العلم والضحكات ننهبها نهايب

لا تقافلنا الزمن قمنا عليه الضحكة نسمي

وإن ضحك وجه الزمن تقلى مثل شرواي هايب

أي أهابك يا زمن وإن سقت ضحكاتك يمي

منك وانا وإن زنت بعيوني يا بو وحهين تايب

أدري أنك لا ضحكت ألقاك طاعن ولد عمي

تشتكي من سطوتك وتقول من شقر الذوايب

وكل جرح يهون غير جروحك مات دمي

تشتكي من سطوتك وتقول من شقر الذوايب

وكل جرح يهون غير جروحك مات دمي

وأنت يالي منك ثلثين الخفوق أصبح خرايب

دام بعثرني زمان الذل ما يغيرك لمي

لمني تكفى ترى ما عاد فيني لمصايب

يا خلف جدي وناس والا يا ريحته أمي

لا تخليني وأنا شفني شباب براس شايب

كان أنت أقفيت مع هالناس محدن لديمي

مثل مال للهم سبة للفرح تبقى سبايب

أنت يا فرحه ويا ضحكة ويا مدري شسمي

أنت آخر ما بقى للي في الحياة من الحبايب

في زمان ما نشد والله عن مدحي وذمي

الزمن كم واحدن قبلي موريه العجايب

والمصبية كأنك اللي مع زماني صرت همي