حكم وامثال سودانية
نورد لك عزيزي القارئ في هذا المقال بعضاً من الحكم والأمثال السودانيّة:
- سمح الغنا في خشم سيدو.
- المال تلتوا ولا كتلتوا.
- التسويها بايدك تغلب اجاويدك.
- الجمرة تحرق الواطيها.
- بليلة مباشر ولا ضبيحة مكاشر.
- قلبي على جناى وقلب جناي على حجر.
- إن جاتك في مالك سامحتك … وإن جاتك في نفسك بكتك.
- الخير في الملعون زي الشرة في القندول.
- إن غلبك سدها وسع قدها.
- المحتاج بفتش خشم البقرة.
- بخيت شكروه … قال داك شهر تاني.
- أنا أصلي مارق للربا والتلاف.
- الما يهدي الكريم تعبان.
- أمسح إسمو من خارطة ضميرك حكو.
- شتتو في الخلا ,, وعكس الهبايب فكو.
- الدين لو درهمين بسود الخدين.
- هيييي … أرعى بقيدك.
- بادر الضيف ولو ببرش وقرعة موية.
- الريد الكتير لابد تعقبو عداوة.
- لصيق الطين فى الكرعين ما ببقى نعلين.
- القارصوا الدبيب يخاف من جر الحبل.
- اتنين كان قالوا ليك اضانك مافى اهبشها.
- ام جركم مابتاكل خريفين.
- والفولة بتتملى و بقارة بجو.
- الدنيا مابتدوم زى الزيق الفى الهدوم.
- كان فيها خير ما كان رماها الطير.
- صنعة فى اليد امانة من الفقر.
- ان عجبك مالك شوف ضل الضحى….وان عجبوك رجالك شوف التراب.
- البفكك من اكل التوم قل اكلو.
- رزقاً تكوسلوا ورزقا يكوسلك.
- مابنفع الجس بعد الضبح.
- ان جادت بخيط العنكبوت تنقاد….وكان عاقت تقطع سلسل الحداد.
- حشاش بدقنو.
- صاحب بالين كضاب.
- السمح سمح كان زرعوا يقوم قمح.
- كراع البقر جيابه.
- بجى الخريف واللوارى بتقيف.
- درب السلامة للحول قريب.
- المال تلتوا ولا كتلتوا.
- خت الخمسة فى الاتنين.
- التسوى كريت فى القرض تلقاهو فى جلدها.
- الماشاف البحر تخلعوا الترعة.
- القلم ما بزيل بلم.
- الجاياك ما بتختاك.
- أرجى سفيه ولا ترجى باطل .
- أكان شالتك خير، وإن ختتك خيرين.
- أها … خم وصر.
- الناس زي الهدوم فيها الراقي وفيها الزي جناح أم جكو.
- الزائد عن حدو بيقلب ضددو.
- البيرقص ما بيغطي دقنو.
- الكحل ما بنفع في العين الحجر.
- الولادة صغرة والمشي صباح.
- درب السلامة للحول قريب.
- بكرة الموز بجيبك يا قرد.
- شوكة حوت لا بتنبلع لا بتفوت.
- البيتو من قزاز مايفلق بالحجار.
- جا يكحلها عماها.
- تعيس الحظ يلاقي العضمة في الفشفاش.
- الأدب الأدب الأدب … أخجلوا بعدين أقرو … (مثل أمي).
- الما دارك ما خربشك.
- ايد براها مابتصفق.
- جلد ماجلدك كر فيهو الشوك.
- كان كترت عليك الهموم ادمدم نوم.
- الباب البجيب الريح سدو واستريح.
- الكلمة الطيبة بتمرق الدابى من بيتو.
- حيلة العاجز دموعه.
- قدم السبت تلقى الاحد.
- مد رجليك قدر لحافك.
- يوم عسل ويوم بصل.
- العارف عزو مستريح.
- الحوت ما بهددو بالغرق.
- اسمع كلام الكبير ولو كان عوير.
- اصله مارق في الربا والتلاف.
- الخيل تجقلب والشكر لحماد.
- ود الفار حفار.
